औद्योगिक जागांचे जिल्हा स्तरिय क्षेत्रिय नकाशे :
      कमीत-कमी पर्यावरणविषयक परिणाम / जोखीम असलेल्या जागा निश्चित करता याव्या म्हणून उद्योगांच्या प्रदूषणक्षम जागा निश्चित करण्याच्या दृष्टीने उद्योगांच्या प्रदूषणक्षमतेसह पर्यावरणाच्या संवेदन क्षमतेशी अंतर-संबंधित असलेला अभ्यास करणे.

जिल्हा स्तरिय औद्योगिक जागांची मार्गदर्शकतत्वे :
      पर्यावरणदृष्टी संवेदनक्षम असलेल्या उद्योगांची स्थापना करण्याकरिता टाळलेल्या प्रक्षेत्रांबाबत / क्षेत्रांबाबत किंवा जल व वायु प्रदूषकारी उद्योगांची स्थापना करण्यासाठी संभाव जिल्हा क्षेत्रांमध्ये निर्बंधित केलेल्या प्रक्रिया किंवा कार्ये करण्याबाबत आणि प्राधान्य असलेल्या जिल्हयांसाठी पर्यावरणदृष्टया संवेदनक्षम असलेल्या टाळावयाच्या प्रेक्षका/क्षेत्रांव्यतिरिक्त, जिल्हामधील अन्य कोणत्याही ठिकाणी ज्या प्रक्रिया करता येतील त्या प्रक्रिया करण्याबाबत जिल्हा स्तरिय औद्योगिक जागांची मार्गदर्शकतत्वे सुस्पष्टपणे माहिती विषद करतात. उद्योगांची स्थापना करण्याच्या जिल्हा स्तरिय औद्योगिक नकाशाची अंमलबजावणी करताना, ही मार्गदर्शकतत्वे मदतगार ठरतील.

जिल्हा पर्यावरणविषयक नकाशे :
जिल्हा पर्यावरणविषयक नकाशे, हे नकाशे, मजकूर व सांख्यिकी आकडेवारी या स्वरुपात पर्यावरणाशी संबंधित असलेली माहिती संकलीत करतील. या नकाशांमध्ये सर्वसाधारण / भौतिक वैशिष्टये, भूपृष्ठ/भूजल वैशिष्टये, पर्यावरण दृष्टया संवेदनक्षम असलेली प्रक्षेत्रे, प्रदूषणाचे प्रमुख स्त्रोत याबाबतच्या नकाशांचा समावेश असेल. हे नकाशे 1:250,000 या प्रमाणात असतील.

राज्य पर्यावरणविषयक नकाशे :
राज्य पर्यावरणविषयक नकाशे हे, नकाशे, मजकूर व सांख्यिकी आकडेवारी या स्वरुपात पर्यावरणाशी संबंधित असलेली माहिती संकलीत करतील. या नकाशांमध्ये, प्रशासकीय सीमा. मोठया वसाहती, परिवहन जाळे, इत्यादीसारखी सर्वसाधारण वैशिष्ठये अंतूर्भूत असतील, राज्याच्या भौतिक वैशिष्टयांमध्ये भूमिवापर, प्राकृतिक भूगोल, जमिनीची क्षमता, इत्यादी घटकांचा समावेश होतो. भूपृष्ठ / भूजल वैशिष्टयांमध्ये, जलनि:सारण पध्दती, वापर, दर्जा, प्रवाह व डोंगरमाथा इत्यादी घटकांचा समावेश होतो. संवेदनक्षम प्रक्षेत्रांमध्ये राज्यातील प्रदूषणाचे प्रमुख स्त्रोत जैव विविधता विनिर्दि करणारे पर्यावरणदृष्टया संवेदनक्षम असलेले प्रक्षेत्र, जमिनीचा     वापर याचा समावेश होईल.

राज्य स्तरीय औद्योगिक जागांची मार्गदर्शकतत्वे :
राज्य स्तरिय औद्योगि जागांच्या मार्गदर्शकतत्वांमध्ये टाळावयाची क्षेत्रे आणि उद्योग स्थापन करण्यासाठी मान्यता मिळण्यासाठी अनुसरण करावयाचे नियम / मानके / कार्यपध्दती

धार्मिक स्थळांचे पर्यावरण सुधारणा नियोजन:
महाराष्ट्रातील धार्मिक स्थळे ही, प्रामुख्याने लहान शहरांमध्ये किंवा नद्यांच्या किना-यावर स्थित आहेत. उत्सवाच्या वेळी किंवा धार्मिक प्रसंगी येणा-या व्यवस्थापन करण्याची पुरेशी पायाभूत सुविधा स्थानिक प्राधिकरणांकडे नसते. प्रसंगानुरुप एखाद्या छोटया ठिकाणी, प्रचंड प्रमाणात लोक एकत्र आल्यामुळे त्याचा पर्यावरणावर दाब पडून वायु, जल, ध्वनि आणि घन कच-याचे प्रदूषण होऊ शकते. या समस्येचे गांभीर्य विचारात घेऊन येणा-या व्यक्तींसाठी ही ठिकाणे पर्यावरण हिताची व्हावे यादृष्टीने मंडळाने महाराष्ट्रातील धार्मिक ठिकाणे निश्चित केली आहे.